مشتاق زورك ببيتك ولو بالأحلام
آخر السهرة وفي حد البيت صفصافةوتكون ناطرني ع لهفة قلب ولعان
ويرقص قلبك ع مسمع دعساتيونسهر ويضحك ثغر الليل البسام
وتسكر النجوم ع كاس حبك عطشانينقعد نحكي وتنسيني الآلام
إنسى الوجع وإنسى سنين خرباني

نحكي قصة كرم الزيتون السهران
ع دمعة بي من الوجع هرباني

نحكي قصة قلبك العشقان
اللي عخشبة حب انصلب كرمالي

نحكي قصة قلب إمك الزعلان
اللي تتوج بأعظم قصة قيامة

قصة ما بتتكرر بتاريخ الزمان
ولا بتنتسى ولو بعد سنين نسياني

قصة صليبك تحت الشتي غرقان
تعمد بدم زرزب ع خشبة سنديانة

وبعد تلت ايام آن الأوان
تتم المشيئة و تتم القيامة

عجبين الزمن تتوج الإنسان
اللي قتل الموت وبإجر حفياني

دعس ع قبر الشر و وعى النعسان
قلو قوم معي جرة حب ملياني

بيخلص الليل و القمر بعدو سهران
وحتى النجوم تتفل مش قبلاني

مفروض إرجع طريقي سير عالأقدام
وللدرب اللي بقي من الليل مش كافي

بتقلي ما بقبل معك خليك عندي نام
دربك رياح وخطر والطقس مش دافي

وابقى وبعد السهر انت ع ريش نعام
تغفيني وتبقى أنت والحب ولحافي.

جاكي جوزيف ضوميط.